حضرت موسیٰ، مرد خدا

ابھی تک ہم تورات کا مطالعہ کر رہے ہیں۔ آپ کو معلوم ہے کہ تورات کتبِ مقدسہ کا پہلا حصہ ہے اور اِس پہلے حصہ میں پانچ کتابیں ہیں۔ پہلی کتاب پیدائش یا تکوین کی کتاب ہے۔ اپنی پچھلے کورس میں ہم نے پیدائش کی کِتاب کا مکمل مطالعہ کیا اس کورس میں ہم تورات کی دوسری کِتاب خروج کا مطالعہ شروع کرنے لگے ہیں۔ خروج کی کتاب حیرت انگیزواقعات سے بھری پڑی ہے جو اُس وقت پیش آئے جب خُدا نے بنی اسرائیل کو ملکِ مصر کی غُلامی سے رہا کرایا۔خروج کی کتاب کا مطالعہ شروع کرنے سے پہلے ہم پیدائش کی کتاب پر ایک نظر ڈالتے ہیں کیونکہ اس کتاب میں وہ بُنیاد ہے جسے خُدا نے خود رکھا تاکہ ہم کُتبِ مقدسہ کی سب سچائیوں کو سمجھیں اور اُن پر ایمان لائیں۔