پچھلے کورس میں ہم نے سیکھا کہ سیدنا مسیح کی زمینی خدمت میں بتدریج انہیں مخالفت اور انکار کا سامنا رہا۔ انہوں نے چند ایک شہروں کو سختی سے ملامت بھی کیا۔ اس کورس میں ہم سیکھیں گے کہ سیدنا مسیح کے تعلقات مذہبی رہنماؤں سے ختم ہو گئے ہیں اور اب وہ کھلم کھلا سیدنا مسیح کی مخالفت پر آمادہ ہیں اور انہیں نقصان پہنچانے کی تاک میں ہیں سیدنا مسیح نے بھی اپنی خدمت کا طریقہ بدل دیا ہے اور اب وہ اسرائیل قوم کو چھوڑ کر غیر یہودیوں کی جانب رجوع کرتے ہیں اس مقصد کے لیے سیدنا مسیح نے آسمان کی بادشاہی کی منادی کرتے ہوئے تمثیلوں کے ذریعے تعلیم دی ۔ متی کی انجیل کے تیرہویں باب میں ایسی تمثیلیں شامل ہیں جو آسمان کی بادشاہی کے رازوں کو ظاہر کرتی ہیں۔ یہ کورس یہ سمجھنے میں ہماری مدد کرے گا کہ آسمان کی بادشاہی آخر ہے کیا ۔